Nga data 25 maj, një 34-vjeçar nga Dibra i quajtur Leo Roci ka humbur kontaktet me familjen dhe momenti i fundit kur ai ka folur me familjarët ka qenë në kufirin serbo- kroat. Denoncimin për zhdukjen e tij e ka bërë Astrit Doda, daja i 34-vjeçarit.
Në denoncimin që e ka bërë edhe publik, daja shprehet se ka kontaktuar me nipin në datën 21 maj në orën 2:30 pas mesnate dhe Leo i ka thënë se ndodhej në doganë, në kufirin Serbi- Kroaci, me qëllim që të shkonte në Angi për të punuar.
“Nga kjo orë, telefoni ka qenë i hapur, zilja binte dhe sms shkonin, por nuk përgjigjej njeri. Në datën 27 maj, sipas denoncimit: thirrjeve telefonike u është përgjigjur një grua që fliste serbisht. Më pas telefonin e mori një burrë që tha gjithashtu në serbisht se punonte në doganë si agjent doganor dhe se telefonin e ka gjetur në rrugë. Familjarët e kanë gjurmuar telefonin me GPS dhe ka rezultuar se gjatë ditës mbajtësi i tij ka lëvizur”, shprehet ai.
Leo Roci është një person që sapo është liruar nga burgu falë amnistisë penale. Me të dalë prej andej, sipas familjarëve, ai ka dashur të shkojë në Angli ku ka gruan dhe fëmijën. Mednohet se Roci është nisur me datë 19 maj me autobusin e linjës Durrës-Prishtinë. Pasi ka arritur në Prishtinë ka fjetur në një hotel në kryeqytetin e Kosovës. Të nesërmen, më 20 maj, është nisur me një taxi për në Serbi nga dogana Merdare. Pasi ka kaluar doganën me taxi, mjeti e ka çuar në autobusin që nisej për në Beograd. Prej andej, me një taxi tjetër, ka shkuar në piken kufitare Serbi-Kroaci, ku ka kontaktuar për herë të fundit me familjarët.
Familjarët e tij ngrenë dyshime për diçka të keqe që mund t’i ketë ndodhur nga persona me të cilët ka qenë në burg dhe kanë frikën se edhe nuses dhe fëmijës së djalit mund t’iu ndodhë diçka e keqe.
Discussion about this post