“U martuam dhe pas 1 viti më la”/ Rrëfimi i 38-vjeçares britanike: Si më përdori shqiptari vetëm për “letrat”!

Shqiptarët vijojnë të jenë kryefjalë e mediave britanike, me arrestime, përfshirje në ngjarje kriminale apo emigracionin e paligjshëm.

Së fundmi, bujë ka bërë rrëfimi i një të reje, e cila pretendon se është mashtruar nga një shqiptar, i cili sipas saj, u martua me të vetëm për të përfituar vizë në Mbretërinë e Bashkuar.

Sipas mediave, Natasha Chambers, 38 vjeç, tregon se martesa me shqiptarin ka përfunduar vetëm pas një viti nga celebrimi i tyre. Në rrëfimin e saj ajo shprehet se do të paralajmërojë gratë e tjera që të mos bien pre e këtij mashtrimi. Natasha ka folur për të ndarë ‘shenjat paralajmëruese’ me gratë e tjera të goditura që bien në dashuri

“Së pari, nuk po them që të gjithë shqiptarët janë njësoj, nuk po them që të gjithë emigrantët e paligjshëm janë njësoj. Por njeriu me të cilin isha dukej se dinte saktësisht se çfarë të bënte, ai i dinte të gjitha truket. Isha kokë e këmbë e dashuruar me të, ai më mbushi me dashuri. Por mbeta zemërthyer kur martesa jonë përfundoi pas vetëm një viti. Tani pas ca kohësh ndjej se ai më përdori. Ai nuk më kishte mbështetur kurrë financiarisht, unë e mbështeta atë.

Ajo gjithashtu u bëri thirrje ndjekësve që të mos mendojnë se ‘të gjithë shqiptarët po i përdorin për letra’. E reja ka 3 fëmijë nga martesa e saj e parë dhe tregoi se po kalonte një kohë të keqe kur takoi shqiptarin në kërkim të dashurisë në një faqe interneti takimesh, në dhjetor 2022.

“Ai erdhi me gjithë sharmin e tij dhe u takuam personalisht menjëherë më pas. Ai ishte shumë i gjatë, i pashëm. Pas disa takimesh u lidhëm dhe ai u zhvendos të jetonte me mua dhe familjen time. E dija se ai jetonte këtu ilegalisht. Ai kishte pesë vjet këtu kur e takova dhe punonte në ndërtim me kushëririn e tij. U fejuam dhe u martuan në gusht 2023 për t’u ndarë vetëm 14 muaj më vonë.”– ka treguar ajo.