Pasditen e kësaj të diele, në plazhin e Velipojës, është mbytur një 59-vjeçar.
Komuna Shtime, nëpërmjet një statusi në rrjete sociale, bënë me dije identitetin e personit. Ai është polici nga Kosova, Hasan Hysenaj.
Në shkrimin e tyre ata i shprehin ngushëllime familjes së viktimës dhe e cilësojnë Hysenajn si një person që ka dhënë kontributin e tij në shërbim të qytetarëve dhe të shtetit të Kosovës .
Postimi i Komunës Shtime:
TELEGRAM NGUSHËLLIMI PËR FAMILJEN E POLICIT HASAN HYSENAJ
Shtime, 22 gusht 2021 – Me keqardhje morëm lajmin për ndarjen nga jeta të zyrtarit policor, Hasan Hysenaj nga fshati Petrovë.
Me këtë rast shprehim ngushëllimet të sinqerta familjarëve, të afërmve, kolegëve të punës dhe miqve të tij!
Do ta kujtojmë përherë Hasan Hysenajn, jetën dhe veprën e tij në shërbim të qytetarëve dhe të shtetit të Kosovës, përkushtimi i pashoq dhe profesionalizmi i lartë, ishin vyrtyt i tij, andaj, kujtimi për të do të jetë i përjetshëm!
