U mbytën në det, përcillen në banesën e fundit babai dhe dy fëmijët

Babai dhe dy djemtë e tij që u mbytën ditën e djeshme në plazhin e Vilë-Bashtovës janë përcjellë për në banesë të fundit.

Tre pjesëtarët e familjes nga Tirana, 50 vjeç babai, 13 dhe 16 vjeç fëmijët, humbën jetën ditën e djeshme. Ceremonia mortore për ta u mbajt në orën 13:00 në Tiranë.

Tragjedia ndodhi mesditën e së dielës. 50-vjeçari Elvis Halilaj ishte futur bashkë me dy djemtë e tij të mitur në det për t’u larë në plazhin e Vilë Bashtovës, por fatkeqësisht u mbytën për shkak të detit me dallgë të mëdha.

Një peshkatar i zonës i pajisur me një kajak, por edhe me ndihmën e personave të tjerë që ndodheshin pranë, bënë të mundur nxjerrjen e tre trupave të pajetë nga uji.