E akuzuar për falsifikim dokumentesh, pritej që sot Etleda Çiftja të dilte para prokurorëve të SPAK, por seanca është shtyre. Bëhet me dije se Gjykata e posaçme shtyu seancën ndaj anëtares se KPK, për shkak të mungesës së avokatëve, të cilët kanë bojkotuar punën për shkak të kundërshtive që kanë për hartën e re gjyqësore.
Kujtojmë se, dy javë më parë, prokuroria e Posaçme Kundër Korrupsionit dhe Krimit të Organizuar, mori të pandehur anëtaren e Komisionit të Pavarur të Kualifikimit, për akuzat “deklarim i rremë” dhe “falsifikim” në formë përdorimi. Deklarimi i rremë është kryer nga Çiftja në komisionet e përzgjedhjes së saj për një pozicion në Komisionin e Pavarur të Kualifikimit. Çiftja është anëtarja e trete që është vënë nën hetim nga SPAK.
Ndërsa nuk dimë sa do të zgjas kjo çështje për shkak se avokatët nga ana e tyre kanë paralajmëruar se do të vazhdojnë me bojkotin e punës derisa të gjendet një zgjidhje për problematikat që sjellë harta e re gjyqësore.
Discussion about this post