Kryetari i Partisë së Lirë, Ilir Meta, ka dalë në konferencë për shtyp, nga ku ka treguar vendimet që ka marrë komuniteti ekzekutiv i partisë. Ai tha se fokusi është që të merren masa për revolucionin antikorrupsion. Gjithashtu tha se po përgatisin platforma të reja qeverisëse.
“Do të merren të gjiha masat për avancimin e shpejtë të revolucionit anti korrupsion dhe alencës me të gjithë shoqërinë dhe strukturat opozitare. Sot Partia e Lirisë mori disa vendime, platforma e re qeverisëse me të gjithë ekspertët dhe intelektualë sepse fillon puna intensive në disa fronte. Për këtë punë duhen disa përgjegjës deri në konventën që do të mbahet e më pas cdo gjë do të organizohet përmes zgjedhjeve. Komiteti miratoi që Tedi Blushi të jetë sekretar i përgjithshëm dhe për organizimin Brahimllari. Kërpaçi për marrëdhëniet ndërkombëtare dhe Zonja Caka për marrëdhëniet me publikun. Ky ekip do të punojë dhe do të 14-fishojnë energjitë e tyre në parlament, shembulldhënës dhe shumë bashkëpunues. Qëllimi është triumfi i lirisë”, u shpreh ai. Ndërsa theksoi se, Partia e Lirisë do të angazhohet derisa populli të ketë lirinë qoftë me protesta dhe përpjekjeje për të hyrë në Kuvend. Pasi nuk do të lejojnë më që Rama të mbajë peng popullin.
Discussion about this post