Deputetja e Partisë së Lirisë, Erisa Xhixho është kthyer pas në kohë duke treguar detaje nga momentet e para të jetës politike.
Ajo rrëfeu se takimi i parë me kryetarin Ilir Meta nuk ka qenë i zakonshëm, pasi vetë ishte 18 vjeç dhe ndodhej në zyrë ku po bërtiste që punët të ecnin mirë.
“Ishte 2004-2005 dhe isha nxënëse në Petro Nino, isha duke konkurruar dhe asokohe nuk doja asnjë parti. Më dukej sikur i përdornin të rinjtë dhe sikur i merrnin vetëm për fushatë. Në këtë gjendje emocionale më vjen një telefonatë nga Monika. Ajo merrej me FRESSH dhe më kishte dëgjuar nga motra. Më telefon dhe më thotë do krijojmë një forcë të re etj. Kur takohemi nëse keni forcë i them ok. Të kemi mundësi ti trajnojmë. Më pas, takimi me kryetarin Meta ka qenë në zyrën e tij në një debat me të rinjtë për forumin. Në fakt unë u ngrita dhe bërtita në atë moment se doja që punët të ecnin dhe imagjino një 18 vjeçare me gjithë energjinë e saj që kishte punuar shumë me të rinjtë. Në atë mbledhje pata një shpërthim nuk dhe Meta në moment më pikas dhe bën lidhjen më pas të personit, background-it dhe familjes. Ai moment ka qenë takimi i parë”, zbuloi deputetja Erisa Xhixho.
Discussion about this post