Pas skandalit që Gijotina.com publikoi dje mbi milionat që janë shpenzuar për rrugën Orikum-Vlorë, e cila është në gjendje të degraduar, sot po sjellim një tjetër rast, ku tregohen shumat marramendëse që shpenzon qeveria për ndërtimet e rrugëve, të cilat po vënë në rrezik jetën e kalimtarëve. Ditën e sotme për shkak të motit, por edhe ndërtimit të keq, është shembur hyrja e tunelit që lidh rrugën Kardhiq- Delvinë. Nga pamjet duket se hyrja e tunelit është shembur tërësisht, duke bllokuar kështu kalimin dhe ka vënë në rrezik qytetarët. Pyetja që lind në këtë rast është ku i shkuan 19 milionë uro që u paguan vetëm për tuneli, pasi rruga në tërësi kap shifra vlerë stratosferike.
Si gjithmonë, askush nuk jep përgjigje dhe nuk mban përgjegjësi, por dokumentet flasin vetë. Vetëm për herën e fundit, konkretisht në 2018 qeveria ka hapur një tender me vlerë 20 milionë lekë me objekt; lidhja me qytetin e Delvinës dhe rishikimi i projekt zbatimit të lotit 7 (tuneli) në aksin rrugor Kardhiq – Delvinë. Sikur e theksuam ky është tenderi i fundit për këtë tunel, pasi po të mbledhim dhe paratë e dhëna më parë në total paratë e shpenzuar për të kapin vlerën 19 milionë euro. Edhe çfarë marrin në shpërblim qytetarë një tunel që shembet në mes të ditës dhe rrezikon jetët e tyre, ndërsa fare qartë duket që edhe ky projekt ka qenë pjesë e tenderëve korruptiv, që përdor qeveria për të mbushur xhepat e saj dhe pasuruar kompanitë mike. Ndërsa vlen të përmendet se e gjithë rruga Kardhiq-Delvinë iu ka kushtuar taksapaguesve shqiptarë plot 60 milionë euro.
Tuneli i skandaleve
Që qeveria ka abuzuar me paratë që janë dhënë për këtë tender, pasi janë bërë anulime dhe rishpallje të tij, të shoqëruar me denoncime dhe akuza të rënda, si dhe dokumente që të tregojnë hapur shkeljet. Këtu nisi dhe rrjedhe e skandaleve pasi, tenderi në fjalë i kushtoi Sonila Qatos postin e drejtueses së Autoritetit Rrugor Shqiptar Ajo dha dorëheqjen pasi u kallëzua nga “ Gjoka Konstruksion” për shpërdorim detyre dhe favorizim në tendera nga. Në fakt ARRSH kishte skualifikuar 5 nga 6 ofertat e paraqitura duke shpallur fillimisht fituese ofertën e kompanisë Sulova, e cila kishte paraqitur një ofertë sa 98.5% e fondit limit. Pra ishte oferta më e shtrenjtë. Pas kontestimesh të shumta, ministrja e Infrastrukturës Belinda Balluku tha se do ta anulonte fare tenderin me argumentin se qeveria kishte “prioritet çështje më emergjente”. Mirëpo një vit më pas projekti është zhbllokuar dhe ndërtimet janë nisur nga e njëjta kompani e cila u skualifikua nga ARRSH për mosplotësim kushtesh, mungesë dokumentacioni, mosrealizim të plotë të punimeve të mëparshme, detyrime tatimore.
Kështu në gusht të 2020-ës, kompania që bëri kallëzimin mori në dorë ndërtimin e tunelit, i cili pretendoi se përfundoi punimet në korrik të këtij viti. Por, sikur tregojnë pamjet në video punimet janë bërë sikur u ndërtua me materiale kartoni, pasi me nisjen e reshjeve gjithçka u shemb dhe rruga është e bllokuar. Por, edhe për këtë rast asnjë reagim nga qeveria dhe askush nuk po vihet para përgjegjësisë. E.H/ gijotina.com
Discussion about this post