Gjykata e Posaçme e Apelit ka liruar nga qelia Selim Çekajn, të arrestuar për trafikimin e 49 kg kokainë.
Për 72-vjeçarin gjykata ndryshoi masën e sigurisë nga arrest me burg në arrest shtëpiak. SPAK kërkoi lirimi e Çekajt me arsyetimin se nuk paraqet rrezikshmëri, dhe për shkak të gjendjes së tij jo të mirë shëndetësore, ndërsa sot GJKKO miratoi vendimin për lirmin e tij.
“Gjykata e posaçme e apelit për korrupsionin dhe krimin e organizuar vendosi: ndryshimin e vendimit nr 323 dt 24.09.2021 të gjykatës se posaçme te shkalles se pare për korrupsionin dhe krimin e organizuar si me poshtë: – zëvendësimin e masës se sigurimit “arrest ne burg” me masën e sigurimit “arrest në shtëpi” për të hetuarin S.Ç”, thuhet në njoftimin e SPAK.
Më parë GJKKO kishte refuzuar 2 herë kërkesën e Çekajt për ndryshimin e masës së sigurisë nga “arrest me burg” në “arrest shtëpie”, kërkesë që është mbështetur edhe nga SPAK.
Selim Çekaj është babi i Arbën Çekaj, i cili është i dënuar me 14 vite burg pasi para 3 vitesh u kap me 613 kokainë në magazinat e kompanisë së tij të bananeve ‘Arbri Garden’ në Maminas po brenda një kontejneri.
Në të njëjtën skemë u kap edhe Selim Çekaj, ku në kontejnerin ku ai priste bananet e porositura me firmën e tij EcoalMax nga Ekuadori policia zbuloi të fshehur 49 kg kokainë.
