Arjan Konomi, i cili u përplas nga 39-vjeçari Ajas Sulejmani një ditë më parë, teksa po kalonte me bashkëshorten dhe foshnjën e tyre 3 muajshe, në vijat e bardha është drejtor në departament e Sportit në Ministrinë e Arsimit. Ndërsa Vilma Konomi, bashkëshortja e tij është mjeke pediatre në Kombinat.
Sulejmani i cili ishte nën efektin e drogës në momentin që ka përplasur çiftin me foshnjën 3 muajshe ka kundërshtuar këtë vendim.
Në gjobën e cila po qarkullon në media, Sulejmani nuk bie dakord me ndëshkimin që mori pasi lëndoi çiftin Konomi dhe foshnjën e tyre tre muajshe.
Edhe pse i shoqëruar 8 herë në komisariat, trafikanti i drogës u la i lirë nga policia e shtetit dhe ai vazhdoi aventurat me manovrat e shpejtësisë në rrugët e kryeqytetit.
Aksidenti ka tronditur të gjithë qytetarët pasi, dy prindërit e foshnjës 3 muajshe ndodhen në spital, ndërsa foshnja shpëtoi mrekullisht pas veprimit heroik që bëri nëna, duke e shtyrë me shpejtësi karrocën e fëmijës.
Discussion about this post