Adoleshenti që u përplas me makinë nga ish-kryebashkiaku i Himarës Vasil Bollano ka ndërruar jetë. Mësohet se 17-vjeçari Eljo H., nuk ka mundur t’i mbijetojë plagëve të marra pas aksidentit të ndodhur dje në Llogara.
I ndjeri ka qenë duke kaluar rrugën dhe po shkonte drejt stacionit të autobusit nga fusha e futbollit.
Në këtë kohë është goditur me makinë nga ish-kryebashkiaku Vasil Bollano. Sipas dëshmitarëve, goditja ka qenë tepër e fortë dhe i riu është dërguar menjëherë në spital.
Në dëshminë e tij të parë, Vasil Bollano ka deklaruar se i riu është hedhur përpara makinës, por duket se ky version nuk i ka bindur ekspertët e policisë të cilët kanë kryer analizën e ngjarjes dhe shoqëruan Bollanon në komisariat. Ekspertiza do të nxjerri më pas nëse është respektuar apo jo shpejtësia e lejuar.
Discussion about this post