Pjerin Brushtulli, 48 vjeçar që u plagos mbrëmjen e sotme në Velipojë pas të shtënave me armë zjarri, rezulton se ka qenë i dënuar më parë për vrasje të kryer në vitin 2002.
Bëhet fjalë për ngjarjen e ndodhur në datën 06.10.2002 ku është vrarë me armë zjarri ne fshatin Berdicë të Rrethit Shkodër shtetasi Kolec Hila (Nushi), i cili në momentin kur është qëlluar po ecte në një rrugicë pranë banesës së tij.
Për ngjarjen, u arrestuan dy vëllezërit Pjerin dhe Tonin Brushtulli. Por më vonë organi i akuzës ka pushuar çështjen ndaj Tonin Brushtullit duke shpallur fajtor për vrasjen Pjerin Brushtullin i cili u dënua me 15 vite burg.
Pjerin Brushtulli i plagosur me plumb në bark, ndërsa është dërguar menjëherë në spitalin e Shkodrës.
Discussion about this post