SPAK bëri sot me dije se ka arrestuar ish-drejtorin e RTSH-së Thoma Gëllçi, bashkë me tre punonjës, pasi akuzohen për shkelje të barazisë në një tender me vlerë afro 87 milionë lekë.
Lidhur me këtë lajm moderatori Arian Çani pyeti sot në emisionin “Zonë e Lirë” kryeministrin Edi Rama, nëse ka dijeni mbi lajmin.
Rama u përgjigj shkurt duke thënë se tani po e dëgjon si informacion.
“Tani po e marr vesh”, u shpreh Rama. Ndërkaq moderatori Çani i ka kujtuar kryeministrit që dikur Gëllçi ka mbajtur disa poste pranë Partisë Socialiste.
Kujtojmë që Gëllçi u zgjodh drejtues i RTSH-së në vitin 2016, dhe u largua nga detyra në maj të vitit 2021 për tu pasuar nga Martin Leka.I ftuar në “Zonë e Lirë”, Rama tha se nuk kishte dijeni mbi aksionin e SPAK që dërgoi në arrestimin e Gëllçit, ndërsa shtoi se tani sapo e ka marrë vesh këtë lajm.
