Ka ndërruar jetë në spital, 54 vjeçari, Haziz Musai, i cili qëllua me një plumb në kokë nga vëllai i tij, Nazif Musai, 77 vjeç pas një konflikti për motive pronësie, në fshatin Qukas i Vjetër, të Lushnjes.
Sherri i cili ndodhi mëngjesin e sotëm, nisi pikërisht nga viktima i cili goditi i pari më sëpatë vëllain e tij dhe më pas ky i fundit u përgjigj duke e qëlluar me armë zjarri në kokë.
54-vjeçari mori ndihmën e parë në spitalin e Lushnjës dhe më pas u transportua në spitalin e Traumës, por nuk mundi t’i mbijetonte plagëve duke ndërruar jetë pak orë më vonë,.
Po ashtu edhe 77-vjeçari mori lëndime, duke u transportuar me ambulancë në spital pas ngjarjes.
Duke qenë se ende nuk kanë ardhur familjarët, procedura e kërkon të mbahet dy orë në spitalin e Traumës në pritje të familjarëve e më pas do të dërgohet në morg.
Discussion about this post