Dy persona mbetën të plagosur si pasojë e një sulmi me armë zjarri. Sipas të dhënave zyrtare, të plagosurit babë e bir, ndodheshin në një restorant kur janë qëlluar nga një person që është arrestuar nga policia.
Ngjarja ka ndodhur në restorant “Leo” në Pejë. Sipas informatave të para djali është plagosur në këmbë si pasojë e të shtënave, kurse babai i tij ka pësuar lëndime, por jo nga plumbi.
Të plagosurit janë Halil Ademi dhe djali i tij Orhani, të cilët ndodhen në spital për trajtim mjekësor dhe ende nuk dihet për gjendjen e tyre.
“Më datë 27 nëntor 2023 rreth orës 07:15, Policia është informuar se në rrugën “ Alia Izetbegoviq ” nё fshatin Vitomericë në një lokal ka të shtëna me armë zjarri”.
Policia po ashtu ka arritur ta kap të dyshuarin, të cilit i është gjetur edhe arma e cila dyshohet që ishte përdorur në atë rast.
Discussion about this post