Ledion Sulkuqi, kancelari i Gjykatës së Elbasanit ndodhet në koma, pas dhunës me levë nga dy persona.
Pas dy ditësh hetime, policia dhe prokuroria e Elbasanit kanë zbardhur ngjarjen e rëndë të ndodhur në lagjen “Kala” në qytetin e Elbasanit.
Nga provat e grumbulluara si edhe nga shqyrtimi i pamjeve filmike të siguruara nga kamerat e sigurisë janë identifikuar edhe dy autorët e dyshuar të përfshirë në dhunimin dhe plagosjen me mjete të forta të 51-vjeçarit.
Sulkuqi punon si Kancelar në Gjykatën e Rrethit Gjyqësor të Elbasanit që nga viti 2014. Ai u gjet me plagë në kokë e fytyrë nga kalimtarët rreth orës 22:30 të mbrëmjes së dielës në rrugicën pranë shtëpisë së tij.
Discussion about this post