Ish drejtori i burgut i Fushë Krujës, Durim Toska është arrestuar në Pogradec, vetëm 1 orë pas shkarkimit nga detyra.
Në një njoftim për mediat, Ministria e Drejtësisë thotë “ministri Ulsi Manja e ka ndërmarë këtë hap, pas propozimit të Drejtorit të Përgjithshëm të Burgjeve, duke e bazuar vendimin në kritere etike dhe ligjore të cenuara nga Durim Toska”.
Vendimi, thuhet në njoftim, vjen në përshtatje me objektivat e Ministrisë së Drejtësisë dhe Drejtorisë së Përgjithshme të Burgjeve për përmirësimin e efikasitetit dhe integritetit në sistemin e drejtësisë.
Durim Toska është arrestuar me akuzën e dhunës në familje dhe armëmbajtjes pa leje.
Toska drejtonte IEVP Fushë-Krujë prej disa muaj, ndërsa më herët ka qenë edhe kreu i burgut Drenovë.
Toska është arrestuar nga policia e Pogradecit aty ku kishte familjen dhe pas njoftimit për dhunë në familje në banesë i është gjetur një pistolete pa leje.
Discussion about this post