Ditën e djeshme Dod Gjoka dhe bashkëshortja e tij janë shoqëruar në komisariatin e policisë Kurbin. Dod dhe Dila gjoka banojnë në qytetin e Laçit në një banesë private aty ku dhe ndodhen disa familje të tjera. Sipas çiftit të moshuar, shkak për shoqërimin është policia bashkiake duke i dhënë prioritet fqinjit i cili ka bërë disa herë shit-blerje toke.
“Policia e Rendit dhe ajo bashkiake nuk kontrollojnë dokumentacionin e tokës. Ne jemi me dokumenta të rregullta dhe na shoqërojnë padrejtësisht ne polici. Bashkia Kurbin si dhe policia duhet te veprojnë me ligj kundrejt atyre që kanë shkelur ligjin.
Kemi qëndruar 4 orë në qelitë e paraburgimit, pa bërë asgjë. Edhe njëherë tjetër jam shoqëruar për këtë problem. Nuk kemi bërë asnjë padi, por në bashki nuk na lënë të hyjmë.
Ne i treguam policisë letrat që kishim për ndërtimin, por na thanë se nuk pinin ujë. Pastaj ne kemi kërkuar që të na ktheheshin dokumentet mbrapsht por nuk na i dhanë dhe na shoqëruan në komisariat vetëm pse e prekëm për krahu”– janë shprehur çifti i të moshuarve.
Çifti të moshuarve kërkon nga institucionet vendore drejtësi dhe jo veprime antiligjore. Të moshuarve disa vite më parë është djegur banesa dhe jetojnë të vetmuar, pa fëmijë.
Discussion about this post