Kryetari i Partisë Demokratike, Lulzim Basha, i ka uruar fitoren e 11-të si kampion Shqipërie në sportin e karatesë, Bekim Bashës.
Kreu i PD, e cilëson të riun si talent gjenial të arteve marciale, e që ka nderuar vendin në Europë dhe botë. Ai shprehet i sigurt, që në të ardhmen e afërt Bekimi do të ngrejë lart flamurin e Shqipërisë me talentin e tij.
“Urime Bekim Bashës, që sot për herë të 11-të u konfirmua kampioni i Shqipërisë në karate. Një talent gjenial i arteve marciale, që na ka nderuar në Europë dhe në botë dhe me siguri, në një të ardhme të afërt, do ta ngrejë edhe më lart flamurin e Shqipërisë ?? me talentin e tij të pamposhtshëm!” – u shpreh Basha.
Bekim Basha është djali gjeni i karatesë, i cili e ka filluar këtë sport që në moshën 6-vjeçare.
