Ish-kryeministri Sali Berisha pritet të zhvillojë një konferencë në orën 18:00 në hotel “Rogner”, pas vendimit të Shteteve të Bashkuara të Amerikës dhe DASH që e shpalli atë dhe familjen e tij, persona non-grata për të hyrë në territorin amerikan.
Berisha ka thirrur mediat që të jenë të pranishme, ndërsa ende nuk dihet përmbajtja e komunikimit të tij me publikun.
Ish-kryeministri Sali Berisha u shpall non-grata dje nga Departamenti Amerikan i Shtetit bashkë me familjen e tij. Lajmi u dha nga Sekretari Amerikan i Shtetit, Anthony Blinken, i cili njoftoi sot zyrtarisht se Berisha ka minuar demokracinë dhe se gjatë ushtrimit të detyrës së kryeministrit është përfshirë në afera korruptive dhe ka pasuruar aleatët e tij politikë.Vetë Berisha e ka konsideruar të pabazë këtë vendim duke kërkuar që SHBA-të të bëjnë publike çdo provë që kanë kundër tij.
