Një 59-vjeçar humbi jetën si pasojë e pickimeve nga një koloni bletësh. Viktima ndodhej në verandën e banesës së tij në Kentaki kur u sulmua nga bletët.
Hetimet për rastin po vazhdojnë, ndërsa mbetet e paqartë nëse burri ishte alergjik ndaj bletëve.
Sipas Departamentit të Bujqësisë së Shteteve të Bashkuara, një person mesatar mund të përballojë deri në 10 pickime për kilogram të peshës trupore.
Ndërsa sulmet nga tufat e bletëve janë të rralla, rastet janë bërë të shpeshta në vitet e fundit.
Në vitin 2016, një alpinist 23-vjeçar vdiq pasi u pickua më shumë se 1000 herë në një park të Arizonës.
Në fillim të këtij viti, një fotograf në Arizona përjetoi një makth kur një tufë bletësh thumbuan një grua më shumë se 75 herë. Në maj, një burrë 81-vjeçar në Oklahoma i mbijetoi sulmit nga bletët vrasëse për tre orë.
Discussion about this post