Vrasja e shqiptares 35-vjeçare, Nevila Pjetrit është kthyer në kryefjalën e medias ditën e sotme. Teksa pak më para Gijotina.com ka raportuar se është bërë i ditur identiteti i të dyshuarit si autor i krimeve që ndodhën në Itali në mënyrë të njëpasnjëshme , së fundmi ka folur dhe vëllai i të ndjerës.
Në një intervistë për emisionin ‘Shqipëria Live’, Ilir Pjetri tha se nuk është e vërtetë që ajo në Greqi punonte si prostitutë, ndërkohë që u ka bërë thirrje autoriteteve që të zbardhin ngjarjen.
Vëllai i Nevilës ka deklaruar se dyshimet e tyre për arsyet e vrasjes janë për grabitje.
“Në Itali kishte 15 vite, tani bëri dokumentat. Në Itali ajo bashkëjetonte, ka ardhur bashkë me atë. Dyshimet tona janë për grabitje, se nuk kemi pasur konflikte. Nuk është e vërtet që ajo punonte si prostitutë. Autoritetet të zbardhin ngjarjen,” tha vëllai i saj.
Autori i dyshuar që është arrestuar është një artizan 32-vjeçar nga Carrara i identifikuar si Daniele Bedini. U bë e ditur që 35-vjeçarja u vra me dy të shtëna me pistoletë të kalibrit 22 në kokë.
Ndërkohë pak më shumë se 24 orë pas vrasjes së shqiptares, është vrarë një tranvestit 43-vjeçar i identifikuar si Carlo Bertolotti. Trupi i tij u gjet në Sarzanë, një zonë bujqësore jo shumë larg vendit ku u gjet trupi i Nevilës.
Discussion about this post