U vra me thikë në gjoks dhe fyt nga burri, kjo është 41-vjeçarja shqiptare (Emri)

Lonora Serina është 41-vjeçarja shqiptare që u vra nga bashkëshorti në Zakinthos të Greqisë. Shqiptarja dha frymën e fundit në spitalin e Zakinthos, ku mbërrit pas plagëve të rënda të shkaktuara nga goditja me thikë në fyt dhe gjoks.

Protothema.gr raporton se trupi i 41-vjeçares do të transportohet  në Shqipëri  dhe se funerali i Lonorës do të behet të premten, 5 gusht.

Xhelozia e sëmurë duket se ka qenë arsyeja e vrasjes tragjike të shqiptares në Greqi, shkruan ERT. 51-vjeçari dyshohet se ka abuzuar sistematikisht me viktimën, për pasojë, 41-vjeçarja e ka denoncuar në polici për rrahje.

Shqiptari i cili rrahu dhe vrau me thikë nënën e tre fëmijëve të tij, pritet të mbërrijë sot në gjykatën e Zakinthos për t’u dërguar në Prokurori.