“Aleksandri kishte parë një dëmtim në makinë, nuk i kushtoi rëndësi”, ka deklaruar para hetuesve bashkëjetuesja e Aleksandër Sadikaj që u ekzekutua me tritol në makinë ngjarje e ndodhur dy ditë më parë në aksin rrugor Sauk-Teg.
Po ashtu në dëshminë e dhënë para hetuesve, mësohet se Sadikaj ka pasur konfliktet me persona por sipas bashkëjetueses së tij, nuk i ka kushtuar rëndësi dhe nuk i druhej një atentati të tillë.
Një ndër pistat e hetimit janë borxhet.
Ngjarja e rëndë ndodhi të shtunën, pasi makina e 27-vjeçarit nga qyteti i Beratit, Aleksandër Sadikaj u hodh në erë, pasi iu vendos tritol. Shpërthimi i fuqishëm tronditi zonën, ndërsa i riu humbi gjymtyrët dhe më pas për shkak të plagëve të marra humbi jetën në spital.
Flitet se kanë qenë vrasës me pagesë ata të cilët i vendosën rreth 500 gramë tritol në makinë, që do ti merrte edhe jetën.
Discussion about this post