Mediat e huaja kanë publikuar detaje të reja lidhur me 41-vjeçarin gjeorgjian, i cili u ekzekutua në Greqi në sytë e bashkëshortes dhe fëmijës së tij. Sipas informacioneve gjeorgjiani që u ekzekutua në Moschato është pjesëtar i mafies gjeorgjiane dhe vrasja e tij dyshohet se bëhet fjalë për pastrim hesapesh. Sipas Vasilis Lambropulos, mediat ruse i referohen vrasjes dhe madje flasin për viktimën me emrin e koduar Sotiko. Ndërsa hidhen hipoteza se ekzekutimi i tij lidhet me konflikte brenda mafias gjeorgjiane. Vrasja ka të ngjarë të lidhet me konfliktet në Gjeorgji që ishin transferuar në Greqi dhe në veçanti me çështjet e pastrimit të parave.
Autoritetet greke janë shprehur se 41-vjeçari kishte një të shkuar pa precedent penal në Greqi, ndërsa mbrëmjen e së shtunës ndërsa kthehej për në shtëpinë e tij u raportua se ndaj tij u bë një atentat. Autoritetet tashmë janë vënë në kërkim të autorit, i cili mësohet se lëvizte në këmbë dhe ishte veshur me të zeza. Sipas grupit hetimor ndaj viktimës është qëlluar më shumë se tre plumba.
Discussion about this post