U zgjodh eurodeputet, reagon nga burgu Fredi Beleri: Drita fiton gjithmonë mbi errësirën

Eurodeputeti i zgjedhur i partisë Demokracia e Re në Greqi, njëherazi dhe Kryetar i zgjedhur i Bashkisë Himarë, ka kontaktuar të hënën me kryeministrin grek Kyriakos Mitsotakis.

Pasditen e kësaj të hëne, pasi kishte komunikuar më parë në telefon me kryeministrin Kyriakos Mitsotakis, Fredi Beleri ka dërguar mesazhin e tij si deputet i zgjedhur në Parlamentin Europian nga partia greke Demokracia e Re.

Beleri falënderoi kryeministrin dhe të gjithë ata që e nderuan me votën e tyre dhe dërgoi një mesazh “për secilin nga bashkëqytetarët tanë se si eurodeputet do të punoj fort që të jem i dobishëm për fraksionin tim, Demokracinë e Re dhe mbi të gjitha për Atdheun tonë”. Në të njëjtën kohë, ai i drejtoi një falënderim të veçantë Angelos Syrigos dhe Stavros Papastavrou “të cilët për 395 ditë që kam qenë në burg, kanë qenë gjithmonë pranë meje dhe pranë familjes sime”.

Deklarata:

Zonja dhe miq, Fillimisht dua të falënderoj Kryeministrin, Kyriakos Mitsotakis, për mbështetjen e tij emocionuese në luftën time për të drejtat e helenizmit të kontinentit verior dhe mundësinë që më dha për të qenë kandidat për në zgjedhjet europiane. Unë dhe familja ime nuk do ta harrojmë kurrë atë që ai bëri për ne.

Gjatë gjithë këtyre muajve të aventurës sime, u forcua nga besimi im se drita fiton gjithmonë mbi errësirën. Dhe se pushteti i Republikës mund të fshijë çdo grusht shteti. Ne luftuam dhe fituam një betejë për Demokracinë, shtetin ligjor, liritë dhe dinjitetin e qytetarëve.

Por në të njëjtën kohë një betejë për acquis evropiane, për parime dhe vlera, të cilat duhet t’i ndajnë kushdo që dëshiron të ketë një vend në familjen evropiane.

Dua të falënderoj secilin prej jush që më nderuat me votën tuaj. Familja ime që u bë mbështetja dhe zëri im gjatë kësaj periudhe. Miqtë në të gjithë Greqinë që më qëndruan në krah në provën më të vështirë të jetës sime. Një mozaik mbështetjeje dhe vullnetarësh që shkruan historinë duke luftuar për një kauzë të shenjtë: lirinë dhe krenarinë e helenizmit.

Vëllezërit e mi nga minoriteti etnik grek, dua t’u them se nga sot ne mund të ndihemi më të fortë. Dhe për çdo bashkëqytetar se si eurodeputet do të punoj shumë që të jem i dobishëm për fraksionin tim, Demokracinë e Re dhe mbi të gjitha për Atdheun tonë.

Në fund, dua të shpreh një falënderim të veçantë nga zemra për dy njerëz të veçantë, Angelos Syrigos dhe Stavros Papastavrou, të cilët për 395 ditët që kam qenë në burg, kanë qenë gjithmonë pranë meje dhe pranë familjes sime.