U zgjodh me firmat e PD e votat e PS, Endrit Shabani merr zyrtarisht detyrën si Avokat i Popullit

Avokati i ri i Popullit, Endrit Shabani, ka marrë sot (19 dhjetor) zyrtarisht detyrën, një ditë pas betimit të tij përpara Kuvendit të Shqipërisë.

Endri Shabani u zgjodh Avokat Populli më 11 dhjetor 2025, me firmat e Berishës dhe votat e Ramës, proces gjatë të cilit PD u akuzua për tradhëti ndaj demokratëve.

Prezantimi zyrtar i Avokatit të ri të Popullit përpara komisionerëve, administratës dhe stafit të institucionit u krye nga Sekretari i Përgjithshëm i Kuvendit të Shqipërisë, Genci Gjonçaj.

Shabani pason në këtë detyrë Erinda Ballancën, e cila ka drejtuar institucionin për 8 vite dhe ka vijuar të ushtrojë funksionin edhe përtej afatit kushtetues.

Kujtojmë se Endrit Shabani është betuar si Avokat i Popullit në Kuvendin e Shqipërisë mes kaosit ditën e djeshme, më 18 dhjetor, pasi opozita kishte bllokuar sallën parlamentare duke mos lejuar ministrat të ulen në karriget e tyre.