Nuk është e pazakontë të shohësh burra duke pirë heroinë në rrugët e Kabulit. Përdorimi i drogës është i zakontë tanimë në kryeqytetin afgan, pavarësisht se talebanët janë zotuar të ndalojnë prodhimin e drogës dhe të trajtojnë të varurit ndaj narkotikës nën sundimin e tyre. Por ajo që mund të jetë më befasuese për ata që kalojnë nëpër zonë është pamja shqetësuese e heroinës që u jepet qenve endacakë që enden në zonë.
Ahmad (emri i tij jo i vërtetë) ka pirë heroinë për disa vite, duke ushqyer varësinë e tij, teksa mbijeton duke vjedhjur, lypur dhe mbledhur shishe plastike për riciklim. Një qen endacak i racës së përzier, me gjasë i lindur në rrugët e Kabulit, ndodhet aty pranë. Ahmedi vendos një shishe plastike të ngushtë mbi hundën e qenit dhe fryn tymin e heroinës në pjesën e sipërme të shishes . Pas disa ‘goditjeve’ qeni i nënshtruar qëndron dhe shikon.
Një seri fotosh shqetësuese të marra në jugperëndim të Kabulit tregojnë të varurit e pastrehë, duke iu dhënë heroinë qenve endacakë që enden në zonë, duke i detyruar kafshët të qëndrojnë pranë të pastrehëve dhe t’u ofrojnë atyre ngrohtësi dhe shoqëri.
Një nga burrat e pastrehë shpjegon se dhënia e heroinës për qentë endacakë, të cilët duket se po vuajnë të njëjtat efekte të varësisë siç do të vuanin njerëzit, bëhen me qëllim që ata të kthehen çdo natë dhe ofrojnë ngrohje dhe rehati për të varurit.
Pas marrjes së pushtetit në gusht, talebanët thanë se ishin të përkushtuar për të zhdukur varësinë nga lëndët narkotike dhe për të eliminuar të gjithë prodhimin dhe kontrabandën e drogës në Afganistan. Ka pasur raportime në Kabul për policët talebanë që kanë grumbulluar dhe rrahur të pastrehë të varur nga droga ose i kanë çuar me forcë në qendrat e rehabilitimit.
Burrat e pastrehë në Shahr-e Naw kanë frikë se do të rrihen ose më keq nëse zbulohen duke pirë heroinë, pasi kanë dëgjuar për persona të varur që vriten nga talebanët. Një mik i Ahmedit, i cili ka tetë muaj i varur nga droga, qan duke mbajtur heroinën pas shpine. “Nuk e dija nëse do të përdorja drogë jeta ime do të ishte kështu dhe do të humbisja familjen time”, thotë ai. “Kam mësuar përmendësh Kuranin. Unë nuk jam njeri i keq, jam në një pus të thellë nga i cili nuk mund të dal.’
Discussion about this post