Kosova do të jetë pjesë e Samitit të Demokracisë, i cili organizohet nga Biden e do të mbahet në SHBA.
Mediat kosovare konfirmojnë se administrata amerikane ka njoftuar presidenten Osmani rreth ftesës pas takimeve që ajo pati me institucionet atje.
Ky vendim vjen pak ditë pasi lajmi që Kosova nuk do të ketë ftesë qarkulloi në të gjitha mediat. Ndryshe, sipas një liste të publikuar një javë më parë nga medium amerikan ‘Politico’, nga shtetet e Ballkanit Perëndimor në këtë samit nuk janë ftuar Kosova, Serbia dhe Bosnjë e Hercegovina. Në anën tjetër sipas këtij mediumi, Shqipëria, Mali i Zi dhe Maqedonia e Veriut janë ftuar.
Ambasada amerikane në Prishtinë reagoi gjithashtu duke thënë se jo të gjithë partnerët kanë mundësi të jenë pjesë e samitit.
“Qëllimi ka qenë që të bashkohet një grup rajonal dhe socio-ekonomik i vendeve dhe juridiksioneve, duke përfshirë demokracitë më të zhvilluara dhe ato në zhvillim me diversitet në popullsi, demografi dhe vendndodhje”, reagoi në këtë mënyrë ambasada asokohe.
Discussion about this post