Kristjan Magjuni është 24- vjeçari i cili u shua mbrëmjen e sotme në aksident pasi automjeti me të cilin ai po udhëtonte doli nga rruga duke u përplasur me një mur rrethues.
I riu ndodhej në makinë bashkë me të fejuarën e vëllait të tij, Atjola Ademi e cila po ashtu ndërroi jetë. Burime bëjnë me dije se dy të rinjtë nga e njëjta familje po udhëtonin drejt banesës së tyre për darkën e Krishtlindjeve, por nuk arritën dot të festonin bashkë me të afërmit e tyre.
Ngjarja e rëndë ndodhi mbrëmjen e sotme në rrugën e Tales në Lezhë. 24-vjeçari i cili dyshohet se po udhëtonte me shpejtësi humbi kontrollin dhe përfundoi në oborrin e një banese duke çarë tej për tej murin rrethues.
Policia ndodhet në vendin e ngjarjes dhe po heton për të mësuar rrethanat e plota të saj.
Discussion about this post