Pavarësisht vështirësive të krijuara në qarkullim si pasojë e shiut, drejtuesit e mjeteve në vendin tonë, sërish kanë vijuar shkeljen e rregullave të qarkullimit dhe sinjalistikave rrugore. Sipas policisë janë gjobitur 54 drejtues mjetesh si dhe janë pezulluar 24 leje. Pavarësisht lagështirës në rrugë, e cila përgjatë këtyre ditëve ka shkaktuar aksidente, policia ka ndaluar disa drejtues mjetesh të cilët lëviznin me shpejtësi deri në 175 km/h.
Ndër të tjera, për disa drejtues mjetesh janë vendosur masa administrative nga 10.000 lekë deri në 25.000 lekë të rinj.
Policia e Shtetit bën me dije gjithashtu se ka pasur gjoba deri në 4000 lekë të rinj, për shkak të shpejtësisë së lartë.
Bëhet thirrje ndaj të gjithë drejtuesve të mjeteve, të shmangin manovrat e gabuara e të mos lëvizin me shpejtësi të lartë në mënyrë që të shmangen aksidentet.
