Një aksident i rëndë ka ndodhur në Itali, ku për pasojë një 19-vjeçar shqiptar ka humbur jetën. Mediat italiane, bëjnë me dije se i riu i cili në makinë ishte së bashku me shokët e tij, banonte në Arzignano, dhe po udhëtonte drejt Venecias.
Sipas raportimeve paraprake, dyshohet se drejtuesi i automjetit ka humbur kontrollin duke u përplasur me barrierat e betonit në anë të rrugës. Brenda makinës mësohet se kanë qenë 5 persona, mes tyre edhe shqiptari i cili nuk ka arritur që t’i mbijetojë aksidentit.
Deri më tani nuk bëhet me dije identiteti i tyre, ndërsa autoritetet vijojnë hetimet për të zbardhur shkaqet dhe rrethanat e aksidentit tragjik.
