Qendra Europiane për Parandalimin dhe Kontrollin e Sëmundjeve ka përditësuar ditën e sotme udhëzimet e saj për kohëzgjatjen e karantinës së personave të infektuar me koronavirus.
Sipas ECDC, kohëzgjatja e saktë e përfundimit të karantinës ende nuk dihet për arsye se rregullat ndryshojnë në bazë të varianteve dhe pacientëve.
Gjithashtu kjo varet nga shumë faktorë, por në veçanti nga sistemi imunitar i individit, ashpërsia e sëmundjes, ngarkesa virale, si dhe nga lloji i variantit.
Të gjithë pacientët me koronavirus mund të përfundojnë karantinën vetëm nëse kanë kaluar kohë që nga fillimi i simptomave, ashpërsia e sëmundjes, sistemi imunitar dhe nga një test negativ.
Nga ana tjetër, rol mbartin edhe testet e shpejta të cilat përdoren si dëshmi për të kuptuar nëse keni ose jo koronavirus.
Personat që janë asimptomatike, kanë simptoma të lehta ose të moderuara dhe që nuk janë vaksinuar plotësisht, duhet të izolohen derisa të bëjnë 2 teste PCR të paktën 24 orë larg njëra-tjetrës.
Për rastet asimptomatike, të lehta ose të moderuara për personat që janë vaksinuar plotësisht, periudha e karantinës mund të reduktohet në 6 ditë pas fillimit të simptomave. Por nëse bëni një test të shpejtë ose PCR dhe rezultoni pozitiv edhe pas ditës së gjashtë, atëherë duhet të vazhdoni të qëndroni të izoluar.
Pas 10 ditësh, është e rëndësishme të përsëritet procedura, për të kuptuar nëse jeni negativ.
Discussion about this post