Shqipëria do të luajë për herë të dytë në një kampionat europian, pas atij të Francë 2016-të. Pavarësisht grupit të hekurt ku ndodhet, në të cilin bëjnë pjesë Italia, Spanja dhe Kroacia, Shqipëria do të kërkojë të bëjë surprizën.
Por një fitore apo kualifikim i kuqezinjve në këtë kampionat europian nuk do të thotë vetëm gëzim për gjithë shqiptarinë, por edhe përfitime monetare, pasi UEFA ka vendosur të shpërblejë me 1 milionë euro çdo skuadër për fitore, 500 mijë euro barazimi dhe 1.5 milionë euro skuadrën që kalon grupin.
Deri më tani kuqezinjtë kanë përfituar 9.25 milionë euro nga pjesëmarrja në kampionat europian.
Gjithashtu UEFA ka vendosur që të shpërblejë me 2.5 milionë euro çdo skuadër që arrin në çerekfinale, 4 milionë euro për skuadrat gjysëmfinaliste.
Discussion about this post