Incidentet në ndeshjen ndërmjet Shqipërisë dhe Polonisë sollën pasoja për ekipin tonë kombëtar që u gjobit me një shumë të majme si dhe një ndeshje pa publik. Pikërisht ndaj Andorras Shqipëria do të luajë pa praninë e fansave teksa duhet të fitojë me çdo kusht për të përfunduar këto kualifikuese në vendin e tretë. Në këtë sfidë do të jetë prezent në stadiumin “Air Albania” një delegacion nga UEFA me mision për të monitoruar organizimin dhe mbarëvajtjen e duelit.
Në pranverën e vitit të ardhshëm në këtë impiant do të zhvillohet finalja e Konferencë Lige ndaj dhe vëmendja pas incidenteve me Poloninë është rritur. Shqipëria rrezikon të humbasë privilegjin për të organizuar një event të tillë në rast se delegatët e UEFA-s shënojnë parregullsi gjatë organizimit të sfidës së sotme. Edhe në ndeshjet e kampionatit ka patur monitorim nga organi më i lartë sportiv në Europë.
Discussion about this post