Unioni Europian i Futbollit duket se po merr në konsideratë të përjashtojë kombëtaren e shtetit aleat të Rusisë
Bjellorusia do të nisë kualifikueset për “Euro 2024” këtë të shtunë në orën 18:00 kundër Zvicrës, ndeshje e cila do të zhvillohet në Novi Sad të Serbisë.
Por paraqitja e ekipit europianolindor në garë mund të jetë e shkurtër, pasi sipas kanalit televiziv publik gjerman ARD, UEFA do të shqyrtojë një përjashtim të mundshëm të kombëtares së saj gjatë komitetit të saj të ardhshëm ekzekutiv, më 4 prill.
“Ka qenë prej kohësh synimi i UEFA-s për të diskutuar situatën në Bjellorusi në takimin e ardhshëm të komitetit tonë ekzekutiv,”- tha presidenti i UEFA-s, Aleksander Ceferin, në një letër të së premtes, dërguar edhe 100 anëtarëve të Parlamentit Europian.
Discussion about this post