Banorët e fshatit Shushicë në Elbasan konsumojnë ujë të ndotur.
Punimet që kryen një gurore në afërsi të rrjetit ujësjellës, ka dëmtuar këtë të fundit duke ndotur ujin që konsumojnë banorët.
Këta të fundit shprehen se janë ankuar në bashki, por nuk kanë gjetur zgjidhje deri më tani. Sipas banorëve të fshatit Shushica, janë të detyruar të konsumojnë ujin e ndotur pasi nuk ka zgjidhje tjetër.
Një tjetër shqetësim për banorët është fakti se rrjeti i ujësjellësit është krejtësisht i amortizuar, pasi është ndërtuar 30 vjet më parë. Që prej asaj kohe nuk është bërë asnjë ndërhyrje për rikonstruktimin e tij, duke sjellë gjithashtu që uji që shkon në çezmat e banesave në Shushicë të jetë i ndotur.
