Zyra e Ujësjellësit Kanalizime në Durrës ka njoftuar qytetarët se ditën e sotëm mund të ketë probleme me furnizimin e ujit të pijshëm në të gjitha lagjet e qytetit.
Sipas njoftimit, për shkak të ndërprerjes së energjisë elektrike nga OSHEE në stacionin e pompave nga ora 08.00-16.00, nuk do të ketë furnizim normal dhe në disa zona të qytetit mund të vihen re çrregullime sa i përket orarit të furnizimit me ujë.
Zyra e ujësjellësit, kërkon mirëkuptimin e qytetarëve në lidhje me situatën. Kujtojmë se, nuk është hera e parë që në Durrës ka probleme me furnizimin e ujit të pijshëm, pasi herë pas here qytetarët detyrohen të blejnë ujë për të plotësuar nevojat e tyre.
