Ukraina: Kemi goditur një aeroport ushtarak brenda Rusisë

Ushtria e Ukrainës thotë se ka goditur një aeroport ushtarak brenda Rusisë, si dhe ka shkatërruar disa mgazina ushtarake.

Në një deklaratë, ushtria raportoi një zjarr të madh dhe shpërthime të shumta në aeroportin e Lipetsk, më shumë se 350 km nga kufiri i Ukrainës, pas sulmit gjatë natës.

Autoritetet rajonale të Lipetsk thanë se një gjendje e jashtëzakonshme ishte tani në zonë, duke konfirmuar shpërthimet në një “objekt të infrastrukturës energjetike”. Banorët e katër fshatrave aty pranë po evakuoheshin.

Kjo vjen pasi ushtria e Ukrainës po vazhdon ofensivën e saj të madhe ndërkufitare në rajonin perëndimor të Kurskut të Rusisë, ku është gjithashtu një gjendje e jashtëzakonshme.