Evakuimi nga Ukraina dhe rreziku që i kanoset, fëmijëve të cilët po trajtohen nga kanceri, është ‘’pothuajse i pamundur’’ tregon për CNN drejtoresha e Fondacionit më të madh të fëmijëve me kancer. Yuliya Nogovitsyna, e cila drejton Fondacionin e bamirësisë Tabletochki, e ka quajtur ‘’Mision të pamundur’’ zhvendosjen e fëmijëve me kancer, në drejtim të Perëndimit të Ukrainës dhe më pas në kufi.
‘’Që prej ditëve të para të luftës, ne u përpoqëm ti evakuonim fëmijët nga spitalet e mëdha, duke i dërguar në grupe nëpërmjet autobusëve, trenave ose makinave drejt Lviv-it. Është mjaft e vështirë dhe sfiduese sepse nuk mund të gjeje mjete transporti për këta fëmijë.’’
Zonja Nogovitsyna shtoi se ‘’Kjo tregon se nuk mund të jesh në asnjë vend të Ukrainës e sigurt.’’ Ditën e djeshme, Agjencia për refugjatë e Kombeve të Bashkuara, tha se ‘5.3 milionë ka lënë Ukrainën dhe 7 milionë janë zhvendosur brenda vendit. Shumica e atyre që janë larguar nga Ukraina, janë shpërngulur në Poloni, ndërkohë një pjesë tjetër kanë udhëtuar drejt Sllovakisë, Rumanisë, Hungarisë dhe Moldavisë.
Discussion about this post