Lufta mes Ukrainës dhe Rusisë sa vjen e përshkallëzohet. Sot në mëngjes, trupat ukrainase dogjën një kolonë automjetesh të blinduara ruse pranë Hostomel, rajoni i Kievit, sipas mediave ukrainase.
“Trupat ukrainase djegën një kolonë automjetesh të blinduara ruse pranë Hostomel. Lavdi Forcave të Armatosura të Ukrainës! Lavdi Ukrainës!”, thuhet në mesazhin e qeverisë.
Mëngjesin e 25 shkurtit, Shtabi i Përgjithshëm i Forcave të Armatosura të Ukrainës informoi se trupat e sulmit ajror të Forcave të Armatosura të Ukrainës po luftonin pranë Dymer dhe Ivankiv, rajoni i Kievit, ku një numër i madh i automjeteve të blinduara të rusëve kishin avancuar.
Mediat raportuan gjithashtu se rreth 56 automjete të trupave ruse po lëviznin nga Dymer drejt Kievit. Për më tepër, Shtabi i Përgjithshëm i Forcave të Armatosura të Ukrainës raporton se rusët nisën një sulm ajror ndaj njësive pranë qytetit të Kropyvnytskyi.
Discussion about this post