“Ukrainasit janë racistë”, Rusia i drejtohet Rishi Sunak: Nuk do të të duan sa Boris Johnson

Pas zgjedhjes së kryeministrit të ri të Britanisë së Madhe Rishi Sunak, kanë reaguar menjëherë propagandistët e televizionit shtetëror të Kremlinit.

Moderatorja Olga Skabeyeva, sulmoi liderin e ri konservator. Ajo shtoi se ukrainasit “racistë” nuk do t’i tregojnë të njëjtën dashuri që i treguan Boris Johnson kur ishte në krye të vendit.

Duke folur në Rossiya 1 prezantuesja tha: “Sigurisht, angazhimi i Londrës për të shkatërruar Rusinë nuk ka gjasa të ndryshojë edhe pas ardhjes së Sunak dhe pa dyshim që në Kiev, siç pritej, ata kanë filluar të qajnë”.

Televizioni i Kremlinit ka goditur rregullisht ndaj Britanisë gjatë gjithë luftës, me mbështetjen e vendosur të Boris Johnson për Ukrainën dhe dënimin e ashpër të Rusisë.

Rusisë nuk i shpëtoi as ish-kryeministrja e sapolarguar, Liz Truss e cila u kthye në objekt talljeje në televizionin rus për qëndrimin e saj të shkurtër në detyrë.