Supermarketet e Kievit janë boshatisur! Të gjithë qytetarët duket se janë përgatitur për luftë dhe kanë zbrazur të gjitha raftet duke boshatisur ushqimet si qumështi, drithërat dhe konservat. Të vetmet që kanë mbetur pa shitur janë alkooli dhe ëmbëlsirat e shtrenjta.
“Në supermarketet e Kievit – tani është kështu. Nuk ka konserva, mish, qumësht, drithëra, produkte gjysëm të gatshme. Kishte mbetur pak alkool dhe ëmbëlsira të shtrenjta. Radhë të mëdha,” bëjnë me dije mediat vendase.
Aktualisht, rusët po tentojnë të marrin Kievin duke synuar fillimisht rrethimin e tij. Forcat ruse ndodhen pak kilometra nga Kievi, ndërkohë që në jug kanë avancuar më shumë duke marrë tashmë qytetin e Melitopolit. Në veri-lindje janë përreth Kharkivit, kurse në lindje nuk shihet ndonjë avancim i dukshëm përtej linjës së kontaktit me rebelët pro rusë.
Discussion about this post