Në një tjetër tender të bërë nga Drejtoria e Ujësjellës Kanalizimeve Tiranë, janë skualifikuar të gjithë operatorët konkurrues përveç fituesit. Procedura e hapur nga drejtoria në varësi të Bashkisë Tiranë, ka si qëllim blerjen veshjeve të ndryshme pune për UKT. Procedura ka numrin e referencës REF-16608-12-28-2021 dhe fondin limit prej 7.198.530 lekë të reja, ose rreth 72 milionë lekë të vjetra.
Në këtë procedurë kanë marrë pjesë në garë 4 kompani, “Sinani Trading” sh.p.k, Enea Masllavica sh.p.k, “Poëer Industries” sh.p.k dhe Vojsava Zenelaj. Nga gara janë skualifikuar tre operatorët e parë që kanë paraqitur edhe ofertën më të ulët se fituesi, pra “Sinani Trading” sh.p.k 6,879,400 lekë reja ose rreth 69 milionë lekë të vjetra, Enea Masllavica sh.p.k 6,893,000 lekë të reja ose rreth 69 milionë lekë të vjetra, “Power Industries” sh.p.k 6,944,000 lekë të reja ose rreth 69 milionë lekë të vjetra.
Fituese është shpallur automatikisht “Vojsava Zenelaj” sh.p.k, e cila ka paraqitur ofertën më të lartë se operatorët e tjerë, prej 6,991,930 lekë të reja, ose rreth 70 milionë lekë të vjetra. Edhe ky tender është futur në kategorinë e flamurit të kuq nga “Open Data”, pasi konsiderohet me risk.
Tashmë është bërë e zakonshme për Bashkinë e Erion Veliajt dhe drejtoritë në varësi të tij, që në shumë procedura i japin prioritet ose përzgjidhet kompania që paraqet ofertën më të lartë, pasi kjo i rëndon taksapaguesve dhe jo xhepit të tyre. Të vetmit që nuk e vërejnë këtë janë institucionet monitoruese si Autoriteti i Konkurrencës dhe SPAK, të cilët me mosveprimin e tyre, i lë dorë të lirë Lali Erit dhe vartësve të tij të bëjnë çfarë të duan me taksat e qytetarëve.
Gijotina.com
Discussion about this post