Ulet numri i aplikimeve për vaksinën, shifrat në Shqipëri

Muaji tetor shënoi një rënie të numrit të personave të vaksinuar në vendin tonë. Sipas shifrave, mesatarja ditore ishte 5400 vaksinime.
Në muajin korrik u bënë 7500 doza, më pas në gusht e shtator afro 8900 vaksinime. Siç duket kemi një rënie me gati 40%.
Aktualisht raportohet për mbi 47% e popullatës në moshën +18 ka marrë të paktën njërën nga dozat, ndërsa 41.3% i ka marrë të dyja.

Ata të cilët kanë pranuar të parët vaksinimin dhe madje janë dhënë më tepër doza janë personat mbi 60 vjeç. 70% e tyre kanë marrë të paktën njërën nga dozat, ndërsa 65% i kanë marrë të dyja.
Në lidhje me rënien e vaksinimeve, një prej faktorëve kryesorë sipas ekspertëve të shëndetësisë është dhe informacioni i cili qarkullon në lidhje me vaksinat.

Shqipëria është vendi i parafundit në Ballkan edhe pse ishte ndër vendet e para që siguroi vaksinën. Qytetarët janë sprapsur e tashmë nuk i drejtohen më qendrave të vaksinimit për të marrë dozat.