Ka rënë ndjeshëm numri i personave të konfirmuar pozitivë me Covid-19 në vendin tonë. Bie në sy gjithashtu se ka dhe një ulje të numrit të testimeve të bëra. Konkretisht në 24 orët e fundit janë bërë 1930 testime, nga ku kanë rezultuar pozitivë 197 qytetarë.
7 pacientë kanë humbur jetën si pasojë e koronavirusit.
Janë shëruar 229 qytetarë gjatë 24 orëve të fundit, duke e çuar numrin e të shëruarve në 174,849 që nga fillimi i epidemisë.
Kjo është shpërndarja e rasteve në këto 24 orë të fundit në Shqipëri: : 93 në Tiranë, 21 në Fier, 9 në Gjirokastër, nga 8 qytetarë në Kamëz, Sarandë, 7 në Durrës, nga 4 qytetarë në Skrapar, Tepelenë, Konispol, Vorë, nga 3 qytetarë Tropojë, Lezhë, Lushnje, Divjakë, Berat, nga 2 qytetarë në Gramsh, Elbasan, Mallakastër, nga 1 qytetar në Kukës, Kurbin, Krujë, Dibër, Bulqizë, Mat, Patos, Vlorë, Delvinë, Këlcyrë, Pogradec, Kolonjë, Poliçan, Peqin.
Që prej fillimit të pandemisë janë kryer në total 1 milionë e 308 mijë e 267 teste.
