ARRSH ka njoftuar një tjetër tender shtesë për projektin e Unazës së Madhe, pikërisht të Lotit 1, duke shtuar zhvatjen e parave publike për këtë investim. Në një njoftim publik, ARRSH deklaron se ka miratuar projekt-preventivin e objektit: “Studim Projektim, Rishikim i projektit për segmentin rrugor të vazhdimit të Unazës së Madhe të Tiranës nga Sheshi Shqiponja Bulevardi i Ri” dhe përmes APP ka shpallur tenderin prej 2.375.552.033,75 lekë, ose rreth 20 milionë euro.
Sipas informacionit të publikuar në dokumentacionin e tenderit raporti i paraqitur përmbledh projektin për ri konceptimin e segmentit rrugor “Rruga Teodor Keko‐Sheshi Shqiponja” pasi bazuar në performancën aktuale të këtij segmenti dalin të domosdoshme ndërhyrje përmirësuese për qarkullimin dhe shërbyeshmërinë kundrejt përdoruesve dhe komunitetit. Sipas njoftimit: “Me futjen ne pune te segmentit tjetër të unazës mënyra e deritanishme e qarkullimit ndërlikohet akoma me shume dhe pritet e ulje e nivelit të shërbimit qe ofron rruga. Nisur nga këto problematika të cilat janë shpjeguar me ne detaje ne kapitullin e studimit te trafikut është konceptuar një ndërhyrje e re mbi këtë segment. Ndërhyrja ka inkorporuar ne vetvete mënyrën e qarkullimit ne zonat përreth dhe tranzitimin unazor për qytetin e Tiranës. Ndërhyrja ka marrë parasysh planin rregullues të Tiranës”.
Një tender i tillë u njoftua dhe në fillim të muajit tetor, por ai u anulua për shkak të mosplotësimit të kushteve, megjithatë duket se dyshja Balluku-Berberi nuk janë ndalur për të përthithur nga buxheti i shtetit para të tjera të taksapaguesve shqiptarë.
Gijotina.com
