Unikkatili bëhet pjesë e rrjetit më të ri social, ka një mesazh për Musk dhe Zuckerberg

Threads është një aplikacion i ri që ka marrë vëmendje të madhe.

I krijuar nga kompania Meta, që e posedon Facebook-un, Instagram-in dhe WhatsApp-in, Threads është rrjeti më i ri social përmes të cilit mund të bëni postime të shkurtra.

Ndonëse i ngjashëm me Twitter-in, në Threads mund të bëni postime me shkrim me më pak se 500 shkronja e shenja, ku përfshihen po ashtu fotografi e video me gjatësi maksimale 5 minuta.

Këtij trendi i janë bashkuar edhe disa prej artistëve shqiptarë, ku përveç Taynës së fundmi me Threads është bërë edhe reperi Unikkatil.

Artisti i cili jeton dhe vepron në Amerikë ka bërë një postim në po të njëjtin rrjet social, ndërsa ka shkruar: “Kur dalin të rrihen Zuckerberg me Elon Musk në kafaz, garant njëri vishet me bluzën që shkruan Threads e tjetri Twitter”.