Manchester United hidhet seriozisht në sulm për të blerë këtë verë, portierin e Interit, kamerunasin Andre Onana, duke bërë një propozim zyrtar për të.
“The Athletic” raporton se tashmë një ofertë prej 45 milionë eurosh i është dorëzuar klubit nga Lombardia.
Sipas raportit të Mesos, Zhang është përgjigjur duke kërkuar 60 milionë, por besohet se të dy palët do të gjejnë diku në mes, me Onanën të etur për të kaluar në Premier League për t’u ribashkuar me Erik Ten Haag (pas 5 vitesh te Ajax nga viti 2017 deri në 2022).
Ndërkohë, e ardhmja e David De Geas te United mbetet në dyshim, me të dyja palët ende në negociata nëse do të rinovojë kontratën.
Discussion about this post