Manchester United iu rikthye zakonit të vjetër, fitimit titujve pas gjashtë vitesh, duke mposhtur Newcastle United në finalen e Carabao Cup (Kupa e Ligës). Vetëm pak ditë më vonë, “Djajtë e Kuq” fituan 3-1 ndaj një tjetër “United”, West Ham United dhe kaluan në çerekfinale të FA Cup (Kupa e Federatës). Në të njëjtën kohë, skuadra e Erik Ten Hag është në “Top-8” të UEFA Europa League , duke i treguar gjithë botës së futbollit se janë rikthyer më të fuqishëm se kurrë më parë.
Ekipi i “Red Devils” ka fituar secili rreth 65.000 euro në bonuse për fitimin e Kupës e Ligës dhe sipas informacioneve nga “Daily Mail” ata do të ketë një bonus shtesë prej 95.000 euro për lojtar nëse triumfojnë në finalet e FA Cup dhe UEFA Europa League.
Sigurisht që shpërblimi rritet në 280.000 euro në rast të fitimit të FA Premier League (Kampionati Anglez). Në këtë moment, Man. United është aktualisht 11 pikë prapa Arsenalit kryesues.
Duke pasur parasysh rikthimin e formës nën drejtimin e Ten Haag, një fitore e trefishtë nuk duket e largët, veçanërisht pasi trofeu i parë tashmë është në xhep. Manchester United është gjithashtu favorit për UEFA Europa League dhe shihet si favorit pas rivalëve të qytetit, Manchester City, për FA Cup.
Trajneri holandez, natyrisht, minimizoi shanset e ekipit të tij për të fituar të katër trofetë. Ai pranoi se lojtarët e tij janë të fokusuar vetëm në ndeshjen e ardhshme kundër Liverpool FC dhe i etiketoi ata që besojnë se klubi mund ta mbyllë sezonin me katër nderime të mëdha “ëndërrimtarë”.
“Ne nuk po flasim për këtë, ne po flasim për ndeshjen e ardhshme dhe është një lojë e madhe”,- tha Ten Haag për Sky Sports për mundësinë historike të një “pokeri”.
Discussion about this post